«ГОРОДСКАЯ ПОЛИКЛИНИКА № 4» УПРАВЛЕНИЯ ЗДРАВООХРАНЕНИЯ КЫЗЫЛОРДИНСКОЙ ОБЛАСТИ

Біз туберкулезді жеңеміз!

gulnaz-sembieva@mail.ru — Thu, 05 Mar 2026 09:31:55 +0000

«Иә! Біз туберкулезді жеңеміз! Қазақстанның көшбасшылығымен, инновация және халықтың күшімен!» ұранымен және 4 наурыз Дүниежұзілік семіздікпен күрес күніне орай 5 наурыз күні емханада тұрғындар арасында акция ұйымдастырылып өткізілді. Шара барысында тұрғындардың дене салмағы, бойдың ұзындығы, қан қысымы анықталып, семіздіктің алдын алу, дұрыс тамақтану, күн сайын таңғы ас, күнделікті мәзірдегі жемістер мен көкөністер, дене белсенділігінің пайдасы, күніне 30 минут белсенді қозғалыс — әр түрлі жас топтары үшін қауіпсіз әрі тұрақты жаттығулар мен қимыл-қозғалыс белсенділігі жөнінде ұсынымдар мен дене салмағы индексін анықтау жолдары көрсетіліп, туберкулездің алдын алу шаралары, анықтау әдістері, салауатты өмір салты қағидалары туралы алдын алу ақпараттандыру жұмыстары жүргізіліп, оқу — танымдық материалдары таратылды.

4 ақпан Дүниежүзілік қатерлі ісікпен күрес күні

gulnaz-sembieva@mail.ru — Wed, 04 Feb 2026 12:30:47 +0000

04.02.2026 жыл. 4 ақпан Дүниежүзілік қатерлі ісікпен күрес күніне орай емханада тұрғындар арасында, қауіп-қатер факторларының алдын алу мектебіне келген пациенттерге «Қатерлі ісіктердің алдын алу, оның даму қаупінің факторлары» тақырыбында алдын алу ақпараттандыру жұмыстары жүргізіліп, жаднамалар таратылуда.

Бронх демікпесі мектебі

gulnaz-sembieva@mail.ru — Mon, 26 Jan 2026 12:36:58 +0000

26.01.2026 жыл. Бронх демікпесі мектебінде пациенттерге білікті дәрігер А. Б. Көшербаева денсаулық сабағын өткізді. Демікпе — қайталанып отыратын тұншығу ұстамалары мен ысқырып дем алу тән тыныс алудың созылмалы ауруы. Демікпе ұстамасына ықпал ететін кейбір себептер демікпемен ауыратын барлық адамдарға ортақ, ал кейбіреулері дербес сипатта болады. Демікпеге шалдықтыратын ең маңызды қауіпті факторлар деммен кіретін тітіркендіргіш заттар болып табылады, оның ішінде:
* ғимарат ішіндегі аллергендер (мысалы, үйдегі шаң,төсек-жабдықтардың кенелері, кілемдер мен жұмсақ жиһаздар, ауаның ластануы мен үй жануарларының қайызғағы)
* ғимараттың сыртындағы (гүл тозаңы мен көк секілді) аллергендер
* темекі түтіні
* жұмыс орындарындағы химиялық тітіркендіретін заттар.
Ауруды қоздыратын басқа факторларға суық ауа, ашу немесе қорқыныш секілді эмоциялық сезімдер мен дене жаттығуы жатады. Кейбір адамдарда демікпені аспирин мен басқа қабынуға қарсы стероидті емес дәрілер, сондай-ақ бета-блокаторлар (гипертония, жүрек ауруы мен бас ауруын емдеу үшін қолданылатын) дәрі-дәрмектер қоздырады. Демікпені емдеуге болмайтынына қарамастан, тиісті қарау арқылы ауруды бақылауда ұстауға және демікпемен ауыратын адамдарға жақсы өмір сапасын қамтамасыз етуге болады. Сонымен қатар демікпенің жеңіл түрімен ауыратын кейбір балаларда есейе келе ауру белгілері жойылып кетеді. Демікпе тұншығу мен ысқырып демалу қайталанатын, адамдарда аурудың ауырлығы мен жиілігі өзгеріп отыратын созылмалы ауру болып талбылады.
Демікпеден зардап шегетін адамдарда аурудың белгілері күніне немесе аптасына бірнеше рет ұстауы мүмкін. Кейбір адамдарда дене белсенділігі кезінде немесе түнде ұстауы мүмкін. Егер қоздыратын заттарды тауып, олардың әсерінің алдын алмаса, тыныс алу жолдары тарылып, ол өмірге қауіп төндіру және демікпенің ұстауына, тыныс алудың жеткіліксіздігіне, тіпті өлімге алып келуі мүмкін.
Бронх демікпесінің асқынуына жол бермеу үшін: Салауатты өмір салтын ұстануды, иммунитетті өзгертуді, шынықтыруды, үнемі жаттығу жасауды қамтамасыз ету; Аллергиялық заттарды (аллергиялық ринит және т.б.) уақытында диагностикалау мен емдеуді қамтамасыз ету; Респираторлық инфекцияларды дер кезінде емдеуді қамтамасыз ету;Дәрігер кеңес бергеннен кейін ғана кез келген дәрі-дәрмекті қабылдауды іске асыру; Аэроаллергендерді қолдануды шектеу, дезодоранттар және т.б. Ғимаратты жиі тазалауды қамтамасыз ету, шаң-тозаң жинайтын заттарды жою; Темекі шегуді азайту немесе тастау, соның ішінде пассивті темекі шегуді болдырмау; Кәсіби залаладықты жою.

Инсульттің алдын алу мектебінде денсаулық сабағы өткізілді.

gulnaz-sembieva@mail.ru — Mon, 26 Jan 2026 07:41:37 +0000

21.01.2026 жыл. Инсульттің алдын алу мектебінде денсаулық сабағы өткізілді. Инсульт – мидағы қан айналымының жіті бұзылуы нәтижесінде дамитын ауру, нәтижесінде ми тіндері зақымданып, оның қызметі бұзылады.
Инсульттің екі негізгі түрі бар:
Ишемиялық – мидың артериялық тамырларының бітелуімен немесе түйілуімен байланысты және аймақты қанмен жеткіліксіз қамтамасыз ету және некроз аймағындағы жүйке жасушаларының өлуі және ми инфарктінің дамуы.
Геморрагиялық – артерияның немесе венаның жарылуымен және ми заттегіне немесе оның қабықшаларының астына қан құйылумен байланысты, айналасындағы жүйке тінін қысып, нейрондардың өлуіне және ми ісінуінің дамуын ынталандырады.
Мидағы қан айналымының кез келген бұзылуы жағдайында оның жасушаларының қалыпты қоректенуін мүмкіндігінше тез қалпына келтіру керек. Бұл олардың одан әрі өлімін тоқтатады және ауыр асқынуларды болдырмауға көмектеседі.
Инсульттің белгілер:
Беттің қисаюы – адамнан күлімсіреуді, бетін томпайтуын, тісін көрсетуін сұрау керек. Инсульттің ықтимал белгісі — мұрын-ерін қатпарының асимметриясы, беті салбырау, езуі қисаю.
Сөйлеудің бұзылуы – адамның сөйлей алмауы немесе адам өзінің не айтып тұрғанын түсінбей, сөздерді шатастыруы – инсульттің белгісі болуы мүмкін.
Қолдың немесе аяқтың әлсіздігі – егер адам қолының кенеттен ебедейсіздігіне, қолмен анық жаза алмауына шағымданса.
Егер бұл белгілер анықталса, тез арада жедел жәрдем шақыруыңыз керек!
Инсульт дамуының қауіп факторлары:
Жасы – инсульттің жиілігі 50 жастан кейін артады
жынысы – 40 жастан асқан ерлерде әйелдерге қарағанда инсульттің даму қаупі жоғары.
отбасылық анамнез және тұқым қуалайтын бейімділік
темекі шегу – инсульт қаупін екі есе арттырады
психологиялық факторлар – стресс, депрессия, шаршау
алкоголь, есірткі тұтыну және дәрі-дәрмектер – ауыз арқылы қабылданатын контрацептивтер қабылдау
артық салмақ пен семіздік
дұрыс тамақтанбау
физикалық белсенділіктің жеткіліксіздігі
Инсульттің алдын алу, ең алдымен, денеге теріс әсер ететін факторларды жою үшін өмір салтын түзетуді қамтиды.
Профилактикаға не кіреді:
Қан қысымын бақылау
Артериялық гипертония – инсульттің ең көп тараған себебі, ол геморрагиялық инсультке әкелетін мидағы қан кетуді тудырады; Дәрігердің ұсынымдарын жүйелі түрде орындау және қан қысымын қалыпты шектерде ұстау өте маңызды.
Холестеринді бақылау
Холестерин түйіншектері мидағы артерияларды бітеп, ишемиялық инсультке әкелуі мүмкін. Холестерин деңгейін бақылау маңызды, егер олар көтерілсе, рационыңызды реттеңіз.
Қандағы қантты бақылау
Қандағы қант деңгейінің жоғарылауы немесе тұрақты жоғарылауы инсульт қаупін 2-3 есе арттырады. Ең алдымен рационнан майлы және тәтті тағамдарды алып тастаңыз. Қант диабетімен ауыратын болсаңыз, қант деңгейін бақылау және глюкозаны төмендететін дәрілерді уақытында қабылдау маңызды.
Салмақты бақылау
Артық салмақ инсульт қаупі арттырады, сондықтан оны бақылау керек. Тіпті 3-5 кг салмақ жоғалту инсульт қаупін айтарлықтай төмендетеді. Рационда құрамында талшығы бар өнімдер басым болуы керек: көкөніс, жеміс-жидек.
Жаман әдеттерден арылу
Белсенді және пассивті темекі шегу және алкоголь тұтыну инсульт қаупін арттырады
Дене белсенділігі
Тіпті ең қарапайым таңертеңгілік жаттығулар денеге пайдалы әсер етеді. Физикалық белсенділік артық салмақтан арылуға көмектесіп қана қоймайды, сонымен қатар денеңізді күшті және серпімді етеді. Бірақ жүктеме жас ерекшелігін және ауруларды ескере отырып, адекватты болуы керек екенін түсінуіміз керек. Егде жастағы адамдар үшін таза ауада күнделікті ұзақ серуендеу жеткілікті.
Маңызды! Алдын алу шаралары туралы біліп, оларды уақытылы жүзеге асыру арқылы сіз инсульттің даму қаупін анағұрлым төмендетесіз. Өзіңізге қамқорлық жасаңыз және сау болыңыз!

ҚАНТ ДИАБЕТІ БАҚЫЛАУДА!

gulnaz-sembieva@mail.ru — Mon, 26 Jan 2026 07:36:40 +0000

15.01.2026 жыл. ҚАНТ ДИАБЕТІ БАҚЫЛАУДА! Қант диабеті мектебінде денсаулық сабағы өткізілді.
Диабет – гректің сузгіден өту, яғни сүзілу деген ұғымды білдіреді.
Қант диабеті — ұйқы безінің бетта-клеткаларының инсулинді аз мөлшерде шығаруымен осы инсулин гормонының жетіспеушілігінен пайда болатын және осы себепті барлық зат алмасу түрлерінің, айрықша қант алмасуының бұзылуымен сипатталатын ауру.
Қант диабеті инсулинге тәуелді инсулинге тәуелсіз
болып 2 түрге бөлінеді.
Ең басты себептердің бірі — тамақтану салтының өзгеруі,атап айтқанда қантқа тез айнатлатын көміртегі бар тағамдарды шектен тыс пайдалану болып табылады. Сол сияқты қажеттен артық тамақтану және дене еңбегімен шұғылданбау семіздікке әкеліп соқтырады. Қант диабетінің көп таралу себептерінің бірі де осы семіздіктің себебінен.
Сырқатқа шалдығудың көп себептері тұқымдық бейімдеушілік екенінде айтып өткен жөн. Тағы бір себебі экологиялық жағдайдың бұзылуы, химиялық өндірістің (фофор,қорғасын) зиянды әсері. Бұл ауру жас талғамайды. Әйтседе бұл сырқат егде адамдар арасында көп кездеседі, оның басты себебі организмді қоректендіретін қан тамырларының, әсіресе ұйқы безіне келетін тамырлардың қан жүргізу қабілетінің азаюы. Қант диабетінің кең таралуына – ұйқы безінің қабынуы, зақымдануы және ісіктердің пайда болуы да әсер етеді
Факторлары: жүйке күйзелісі, өмір салтында аз қимылдау, дене салмағының төмендеуі, тағы басқа аурулар.
Қант диабетінің алдын алу. Алдын алумен шұғылдана отырып сіз әрі денсаулығыңызды нығайтасыз, әсіресе жүрек – тамыр жүйелерін. Қант диабеті жүрек ауруы қаупін орташа есеппен алғанда 3 рет, ал инсульт қаупін 5 рет жоғарылатады. Зат алмасудың бұзылуы арқасында жүрек тамыр қабырғалары қалыңдап, тығыздала бастайтын атеросклероз пайда болады.
Алдын алу салауатты өмір салтына өтумен қортылады. Артық салмақтан құтылу, дене шынықтыру жаттығуларымен шұғылдану, май мен қантты пайдалануды төмендету қажет. Егер Сізге 40 жастан жоғары, Сізде артық салмақ немесе Сіздің туысқандарыңыздың ішінде қант диабетпен ауырған адамдар болса қандағы қант деңгейін жүйелі тексеріп тұру қажет.
Екінші типтегі қант диабетінен қалай сақтану керек
Дұрыс тамақтану. Майлы тамақты аз, өсімдік талшықтарын көп пайдаланыңыз. Күніне жеміс, жиделермен бес рет тамақтан. Көмірсутегіне бай азықтарын көп пайдаланыңыз. Бұл қанға глюкозанын жетуін бәсеңдетеді, холестериннің деңгейі төмендейді. Сондықтан ірі тартылған ұнның нанын, макарон өнімдерін, күріш, жемістер, сұлы, арпа, қырыққабат, қарақұмық тұтынған дұрыс.
Кішкентай порциямен әр 4 сағат сайын тамақтаныңыз. Бұл ішкен тамақты қорыту үшін қанды қажетті инсулинмен қамтамасыз етудің ең жақсы тәсілі. Біздің мақсатымыз – ұйқыбезіне жоғары жүктемелер болдыртпау үшін күн бойы тамақты біркелкі реттеу. Қант пен тұзды шектеңіз. Кішкентай жеген қанттың өзі қандағы қант деңгейін аспандатып жіберуі мүмкін. Ал тұзды тамақ тез қан қысымын көтеріп жібереді. Өз салмағыңызды қалыпты ұстаңыз. Тез жүру – семірудің бірден бір емі. Аптасына 5 рет дене шынықтыру жаттығуларымен шұғылданатын кісілер қант диабетімен ауру қауіп дәрежесін 50 % дейін төмендетеді. Кез келген ауа райында күніне 4 километр жаяу жүріңіз. Дәрумендер қабылдап, күйзелмеңіз. ҚД алдын алу қант диабетін анықтаған күннен бастап алдын алу қажет, қауіп фактор тобына жатады, ары қарай жылына 2 рет эндокринолог бақылауында бақылану. Арнайы мамандардың кеңесінен невропатолог, окулист, кардиолог, нефролог өту қажет. Белсенді салауатты өмір салтын ұстану. Дені сау болу – бұл адамның табиғи ұмтылысы.
Қант диабетімен ауырасыз ба және сұрағыңыз көп пе?
Өзін –өзі басқару:
* Ауруыңды бақылауға
* Дәрі-дәрмектерді уақытында қабылдауға
* Қан құрамындағы қантты реттеуге
* Дұрыс тамақтануып дене салмағын қадағалауға
* Артериялық қан қысымының деңгейін бақылауға
* Үнемі дене жаттығуын жасауға
* Күйзелісті басқаруға
* Темекі мен ішімдікті тұтынудан бас тартуға мүмкіндік береді
Өзін-өзі басқару өмір сапасын жақсартады!

ҚАНТ ДИАБЕТІ БАҚЫЛАУДА!

gulnaz-sembieva@mail.ru — Mon, 26 Jan 2026 07:34:44 +0000

Қант диабеті бар пациенттер МӘМС аясында қызмет алады

gulnaz-sembieva@mail.ru — Wed, 21 Jan 2026 05:31:02 +0000

Қант диабеті бар пациенттер МӘМС аясында қызмет алады

gulnaz-sembieva@mail.ru — Wed, 21 Jan 2026 05:29:03 +0000

Артериялық гипертензиясы бар пациенттер МӘМС аясында көмек алады

gulnaz-sembieva@mail.ru — Wed, 21 Jan 2026 03:31:46 +0000

ОСМС — твоя надежная защита

gulnaz-sembieva@mail.ru — Thu, 11 Dec 2025 09:34:16 +0000

ОСМС — твоя надежная защита